CCJAP - Our People

សមាជិក

ឈ្មោះ ដេវីត ម័រ

មុខងារ ប្រធានក្រុមអូស្រ្តាលី

ប្រវតិ្តរូបសងេ្ខប
ដេវីត ម័រ មានជំនាញច្រើនផ្នែកយុត្តិធម៌ដោយបានចូលនិវត្តន៍បន្ទាប់ពីបំពេញតួនាទីជាន់ខ្ពស់ជាស្នងការនៃក្រសួងយុត្តិធម៌(សេវាអប់រំកែប្រែ)និងជាស្នងការរងដោយទទួលបន្ទុកផ្នែកនគរបាល សេវាសង្រ្គោះបន្ទាន់ និង អគ្គិភ័យនៅក្នុងប្រទេសអូស្ត្រាលី។ បន្ថែមពីលើនេះទៀត ដេវីត មានបទពិសោធការងារនៅក្នុងតំបន់អាស៊ីប៉ាស៊ីហ្វីក គាត់បំពេញការងារយ៉ាងសកម្មក្នុងការងាររបស់គាត់ប្រកបដោយវិជ្ជាជីវៈនិងការទទួលខុសត្រូវ។ គាត់បានពាំនាំមកជាមួយនូវបទពិសោធន៍និងជំនាញដើម្បីលើកកំពស់ភាពជាដៃគូនិងទំនាក់ទំនងអោយកាន់តែមានប្រសិទ្ធិភាពជាមួយស្ថាប័នច្បាប់និងយុត្តិធម៌ដែលមានទំនាក់ទំនងការងារជាមួយគ្នា។ ពីមុនគាត់មានតួនាទីជាប្រធានក្រុមដឹកនាំគំរោងគំនិតផ្តួចផ្តើមផ្នែកនគរបាលប្រចាំនៅតំបន់ប៉ាស៊ីហ្វីក(PRPI) ដែលជាគំនិតផ្តួចផ្តើមមូលនិធិរួមគ្នារវាងរដ្ឋាភិបាលអូស្រ្តាលី(តាមរយៈAusAID) និងរដ្ឋាភិបាលណូវែលស្សេឡង់(តាមរយៈ NZAID)តាមរយៈគំរោងនេះ ដេវីត បានដឹកនាំក្រុមការងារដើម្បីចូលរួមចំណែកធ្វើអោយកាន់តែមានស្ថេរភាព សន្តិសុខ និងសុវត្ថិភាព ក្នុងចំណោមប្រទេសជាកោះនៅតំបន់ប៉ាស៊ីហ្វីក។ តួនាទីនេះរួមមាន ការគ្រប់គ្រងគំរោង គណនេយ្យភាពលើធនធានគំរោង លើកកំពស់កិច្ចសហការការងារ ធ្វើអោយលទ្ធផលគំរោងកាន់តែមាននិរន្តភាព។ មុននឹងចាប់ផ្តើមការងារជាមួយCCJAP ក្នុងខែមិនា ២០០៩ ដេវីត បានបំពេញការងារជាទីប្រឹក្សារយៈពេលខ្លី នៅតំបន់ប៉ាស៊ីហ្វីកជាទូទៅផ្តល់ប្រឹក្សាលើការដឹកនាំ។

ឈ្មោះ ឈរ៉ល ខ្លេ

មុខងារ អនុប្រធានក្រុមគំរោងនិងជាទីប្រឹក្សាផ្នែកអប់រំកែប្រែ

ប្រវតិ្តរូបសងេ្ខប
ឈរ៉ល មានជំនាញផ្នែកគ្រប់គ្រង និងអភិវឌ្ឍន៍សហគមន៍ និងផ្នែកយុត្តិធម៌។ គាត់បានធ្វើការងារនៅក្នុងវិស័យជាច្រើនរួមមាន ផ្នែកសុខភាព សុខភាពផ្លូវចិត្ត ការការពារកុមារ យុត្តិធម៌អនីតិជន ការអភិវឌ្ឍន៍សហគមន៍ ការគ្រប់គ្រងពន្ធនាគារ និងអភិវឌ្ឍន៍គោលនយោបាយ។ គាត់កាន់តួនាទីថ្នាក់ប្រតិបត្តិនៅក្នុងរដ្ឋាភិបាលអូស្រ្តាលីទាំងវិស័យយុត្តិធម៌ដែលមានឯកទេសខាងរដ្ឋបាលនិងគ្រប់គ្រងពន្ធនាគារ និងសេវាអប់រំកែប្រែនៅសហគមន៍ ចំណែកឯវិស័យមួយទៀតគឺគោលនយោបាយសង្គមដែលមានឯកទេសខាងបញ្ហាយុត្តិធម៌សង្គម ដូចជាកាត់បន្ថយភាពក្រីក្រ លទ្ធភាពទទួលបានយុត្តិធម៌សំរាប់សហគមន៍ដែលមានការការពារកាន់តែល្អ។ ឈរ៉ល បានពាំនាំនូវបទពិសោធន៍ទាំងអស់នោះមកបំរើការងារនៅក្នុងគម្រោង CCJAP ក្នុងតួនាទីជាអនុប្រធានក្រុមគម្រោងផង និងជាទីប្រឹក្សាផ្នែកអប់រំកែប្រែផង។ ក្នុងតួនាទីជាទីប្រឹក្សាផ្នែកអប់រំកែប្រែ ឈរ៉ល ធ្វើការត្រួតពិនិត្យរាល់ដំណើរការអនុវត្តសកម្មភាពដែលសំដៅកែលំអរជំរើសសំរាប់ការស្តានីតិសម្បទា និងសមាហរណកម្មអ្នកទោស និងលើកកំពស់សិទ្ធិមនុស្សតាមរយៈរដ្ឋបាលពន្ធនាគារ និងការគ្រប់គ្រងអ្នកទោស។ ក្នុងតួនាទីជាអនុប្រធានក្រុមអូស្ត្រាលី ឈរ៉ល បានត្រួតពិនិត្យមើលពីការអនុវត្តប្រព័ន្ធមួយចំនួនរបស់រដ្ឋាភិបាលកម្ពុជា និងយុទ្ធសាស្រ្តដើម្បីគាំទ្រការអនុវត្តនិងត្រួតពិនិត្យកម្មវិធីនានានៅសហគមន៍ដែលលើកកំពស់ដល់ការទប់ស្កាត់បទល្មើសនិងសុវត្ថិភាពសហគមន៍។ ឈរ៉ល ក៏មានការទទួលខុសត្រូវនៅក្នុងគម្រោងCCJAP សំរាប់សកម្មភាពអន្តរវិស័យ ដែលមានដូចជា យេនឌ័រ យុត្តិធម៌អនីតិជន និងផ្នែកជំងឺអេដស៍។ វិធីសាស្រ្តអភិវឌ្ឍន៍សហគមន៍ដើម្បីអនុវត្តសកម្មភាពអន្តរវិស័យបានធ្វើអោយប្រសើរឡើងនូវទំនាក់ទំនងជាមួយដៃគូគាំទ្រនានា និងបង្កើនភាពជាដៃគូជាមួយអង្គការនានាដែលអនុវត្តការងារក្នុងវិស័យយុត្តិធម៌ដែលមានមូលដ្ឋាននៅក្នុងសហគមន៍។ ឈរ៉ល មានបរិញ្ញាបត្រផ្នែកការងារសង្គម និងបរិញ្ញាបត្រជាន់ខ្ពស់ផ្នែកគ្រប់គ្រងអាជីវកម្ម និងសុខភាពសាធារណៈឯកទេសផ្នែកសុខភាពទីក្រុង និងសហគមន៍។

ឈ្មោះ ជ សៀកវេង

មុខងារ ទីប្រឹក្សាផែ្នកកសាងសមត្ថភាពនិងប្រសិទ្ធិភាពជំនួយ

ប្រវតិ្តរូបសងេ្ខប
វេង ចូលធ្វើការជាមួយកម្មវិធីជំនួយផែ្នកព្រហ្មទណ្ឌ និងយុត្តិធម៌‌នៅ កម្ពុជា ចាប់តាំងពីឆ្នាំ2003 មកម៉េ្លះ នៅដំណាក់កាល ទី2នៃគម្រោង មុនពេលចូលបំរើការជាមួយ CCJAPភ វេង ធ្លាប់ធ្វើការនៅកូសូវូ និង នៅទីម័រខាងកើត ជាមួយអង្គការ សហប្រជាជាតិ ក្រៅពីបទ ពិសោធន៍ រៀបរាប់ខាងលើ វេង ធ្វើជាមួយក្រុមហ៊ុនច្បាប់មួយឈ្មោះ DFDL រយៈពេល5ឆ្នាំ នៅក្នុងប្រទេសកម្ពុជា នៅឆ្នាំ1993 វេងទទួល បានសញ្ញាប័ត្រជាអ្នកបកប្រែភាសា (អង់គេ្លស-ខែ្មរ)ពីសាកលវិទ្យា ល័យ ភ្នំពេញហើយថ្មីៗនេះគាត់ទទួលបានសញ្ញាប័ត្រ អនុបណ្ឌិត ផែ្នកគ្រប់គ្រង ពីសាកលវិទ្យាល័យ ភរសេតៀន នៅសហរដ្ឋអាមេរិក វេងបានបង្កើតកេរ្តិ៏ឈ្មោះយ៉ាងល្អនៅក្នុងវិស័យ ទាក់ទងនឹងការងារ របស់គាត់លើផែ្នកគ្រប់គ្រង ហើយសង្ឃឹម ជឿជាក់ក្នុងការ បន្តជួយ រាជរដ្ឋាភិបាលក្នុងដំណើរការ នៃការ កែទម្រង់របស់ខ្លួនចំណង់ ចំណូលចិត្តផេ្សងៗ។ ចូលចិត្តលេងប៉េងប៉ុង មើលទូរទស្សន៍ និង អានសៀវភៅ

ឈ្មោះ សាត់ វុទ្ធី

មុខងារ មន្រ្តីគំរោងផ្នែកសំណង់

ប្រវតិ្តរូបសងេ្ខប
វុទ្ធី ជាមន្រ្តីគំរោងផ្នែកសំណង់ដែលបានចូលរួមក្នុងCCJAP III ក្នុងឆ្នាំ២០០៧។ វុទ្ធីជាវិស្វករសំណង់ស៊ីវិលដែលមានបទពិសោធន៍ និងជាសមាជិករបស់សមាគមវិស្វករកម្ពុជាក្នុងឆ្នាំ២០០២ ហើយជា សមាជិកវិស្វករអាជីបអាស៊ានក្នុងឆ្នាំ២០០៤។ វុទ្ធីមានបទពិសោធន៍ ជាង១០ឆ្នាំខាងផ្នែកវិស្វកម្ម ការបែងចែកថវិកាគំរោង ការប្រៀង ថវិកាអនុគំរោងតាមខេត្តក្រុងនៃជំហាននីមួយៗរបស់គំរោង សិក្សា សំភារៈសំណង់ និងវិភាគតំលៃនៃគ្រឿង បង្គំសំណង់ក្នុងគំរោង ជាច្រើនដូចជា៖ ធនាគារអភិវឌ្ឍន៍អាស៊ី ធនាគារពិភពលោក សហគមន៍អឺរ៉ុប និងភ្នាក់ងារអន្តរជាតិអូស្រ្តាលី សំរាប់ អភិវឌ្ឍន៍(AusAID)។ នៅក្នុងរយៈពេល៧ឆ្នាំចុងក្រោយ វុទ្ធីបាន ផ្តោតលើការពង្រឹងផ្នែកសហគមន៍ទ្រទ្រង់សាលារៀន ក្រុមហ៊ុនសាងសង់ ក្រុមជាង មេការ និងមេជាងសំណង់។ មានការចុះត្រួតពិនិត្យគុណភាពសំណង់ដល់ការដ្ឋានសាងសង់ និងចូលរួមប្រជុំប្រចាំសប្តាហ៍ ប្រចាំខែ ដើម្បីធ្វើការវាយតំលៃពីការរីកចំរើនការងារ និងដោះស្រាយបញ្ហាផ្សេងៗដែលកើតមាន។ វុទ្ធីក៏ជាទីប្រឹក្សាបច្ចេកទេសផ្នែកសំណង់របស់អង្គការ មេគង្គអាយដុកទ័រ (Mekong Eye Doctor) របស់ប្រទេសហូឡង់ត៏ ក្នុងការសាងសង់មន្ទីពេទ្យភ្នែកនៅខេត្តក្រចេះ និងស្ទឹងត្រែងផងដែរ។ ក្នុងនាមជាមន្រ្តីគំរោងផ្នែកសំណង់ ខ្ញុំបានត្រៀមខ្លួនជាស្រេចដើម្បីប្រើប្រាស់រាល់ចំណេះដឹង និងបទពិសោធន៍ទាំងអស់ដែលមានក្នុងការសហការជាមួយក្រុមដើម្បីអនុវត្តគំរោងអោយសំរេចទាន់ពេលវេលា និងប្រកបដោយលទ្ធផលផ្លែផ្កា និងសមស្របទៅនឹង ទិសដៅរបស់គំរោង។ ក្រៅពីការងារស្នូល ខ្ញុំចូលចិត្តរៀននូវមុខជំនាញផ្សេងៗដែលពេញនិយម មានប្រយោជន៍ មើលទូរទស្សន៍ ទេសចរណ៍តាមខេត្តក្រុង និងទេសចរណ៍ក្រៅប្រទេស។

ឈ្មោះ នូរ អរុណ

មុខងារ មន្រ្តីគំរោងផ្នែកផែនការនិងសិក្សាប្លង់

ប្រវតិ្តរូបសងេ្ខប
អរុណបានចូលបំរើការងារជាមន្រ្តីគំរោងផ្នែកផែនការ និង សិក្សាប្លង់ ក្នុងគំរោង CCJAP III នៅឆ្នាំ២០០៧។ អរុណ ជាស្ថាបត្យករ វិជ្ជាជីវៈដែលមានបទពិសោធន៍ជាង១០ឆ្នាំជាមួយគំរោងជាតិ និង អន្តរជាតិ នៅក្នុងប្រទេសកម្ពុជា ហើយប្រើរាល់ដំណោះស្រាយ ការងារប្រកបដោយវិជ្ជាជីវៈនិយម និងជាគំរោងស្តង់ដា។ អរុណធ្លាប់មានបទពិសោធន៍ពីមុនមកជាទីប្រឹក្សាជាតិផ្នែកសំណង់ ជាមួយគំរោងស្តារឡើងវិញនិងសង្រ្គោះបន្ទាន់រងគ្រោះដោយ ទឹកជំនន់ - គំរោងទ្រទ្រងវិស័យអប់រំកម្ពុជា ដែលជាគំរោងរបស់ ធនាគារពិភពលោក នៅពេលនោះអរុណ ជាអ្នកទទួលខុសត្រូវក្នុង ការផ្ទៀងផ្ទាត់ផ្នែកបច្ចេកទេសនិងឯកសារពាក់ព័ន្ធនៅរាល់សំណើរ ក្នុងការទូទាត់ប្រាក់ រួមទាំងការចុះត្រូតពិនិត្យនៅនឹងការដ្ឋាន ដើម្បី ធ្វើអោយប្រាកដថា កិច្ចការដែលបានអនុវត្តគោរពតាមស្តង់ដារបស់ គំរោង។ ក្នុងនាមជាស្ថាបត្យកររបស់គំរោងសហប្រតិបត្តិការ បច្ចេកទេសប៊ែលហ្សិក អរុណជាអ្នកទទួលខុសត្រូវ គំរោងផ្នែក សិក្សាស្តង់ដាគំរូប្លង់នៃអាគារសិក្សា និងសិក្សាគូរលំអិតបច្ចេកទេស ស្ថាបត្យកម្ម និងរៀបចំ ឯកសារសំរាប់ការដេញថ្លៃ។ អរុណធ្លាប់ធ្វើការងារជាមួយផ្នែកឯកជនជាច្រើន ដែលជាក្រុមហ៊ុន ស្ថាបត្យកម្មអន្តរជាតិ។ អរុណចូលចិត្តទស្សនាប្រាសាទបុរាណនិង ស្ថាបត្យកម្មទំនើប។

ឈ្មោះ ហេង ហ្សូលី

មុខងារ មន្រ្តីជាន់ខ្ពស់ ផ្នែកទប់ស្កាត់បទល្មើស និងរក្សាសុវត្ថិភាពសហគមន៍

ប្រវតិ្តរូបសងេ្ខប
លោក ហេង ហ្សូលី បានចាប់ផ្តើមបំរើការងារ នៅក្នុងប្រព័ន្ធព្រហ្ម ទណ្ឌ និងយុត្តិធម៌‌ នៅក្នុងឆ្នាំ 2003 ជាមួយនិងគំរោង ccjap ដែល មានតួនាទីជាជំនួយការផែ្នកបណ្តុះបណ្តាល មុនពេលចាប់ផ្តើមបំរើ ការងារខាងលើនេះ លោក ហេង ហ្សូលី បានបង្កើត និងរៀបចំចាត់ ចែងសាលាបងៀ្រនភាសាខែ្មរដល់ ជនបរទេស តាមរយៈការបងៀ្រន និងផ្តល់ជំនាញភាសា ខែ្មរទាំងផែ្នកសរសេរ និងផែ្នកសន្ទនា និង ផ្តល់ ចំណេះដឹងទាក់ទងទៅនិងវប្បធម៌‌ និងអរិយ្យធម៌‌ នៃប្រទេសកម្ពុជា ដល់សិស្សជនជាតិបរទេសគ្រប់ជាតិសាសន៍ លោក ហេង ហ្សូលី ក៏បានបំរើការងារ នៅក្នុងអង្គការមួយចំនួនផេ្សងទៀត ផងដែរដូចជា គណៈកម្មាធិការទនេ្លមេគង្គ ក្រសួងកិច្ចការនារី អង្គការសេវាកម្ម អភិវឌ្ឍន៍អាល្លឺម៉ង់ និងអង្គការភ្នាក់ងារសហ ប្រតិបត្តិការអន្តរជាតិ ជប៉ុន តាមរយៈការរៀបចំ និងផ្តល់កម្មវិធីបងៀ្រន ភាសាខែ្មរ ហើយនិងការផ្តល់ការយល់ដឹងផែ្នកវប្បធម៌‌ និងការរស់នៅក្នុង ប្រទេសកម្ពុជា លោក ហេង ហ្សូលី បានទទួល សញ្ញាប័ត្របរិញ្ញាប័ត្រ ផែ្នកគ្រប់គ្រងពីវិទ្យាស្ថាន ជាតិគ្រប់គ្រង និងសញ្ញាប័ត្របរិញ្ញាប័ត្រ ទី4 និងឌីផ្លូម៉ាផែ្នកបណ្តុះបណ្តាល និងវាយតំលៃ ពីមជ្ឈមណ្ឌល អូស្រ្តាលីសំរាប់ ការអប់រំផងដែរ

ឈ្មោះ ជ្រា ដាលីយ៉ា

មុខងារ មន្រ្តីគំរោងប្រចាំខេត្តកណ្តាល

ប្រវតិ្តរូបសងេ្ខប
ដាលីយ៉ា ធ្វើការជាមន្រ្តីគំរោងផ្នែកទប់ស្កាត់បទល្មើស និង សុវត្ថិភាពសហគមន៍ នៃគំរោងជំនួយព្រហ្មទណ្ឌ និង យុត្តិធម៌នៅកម្ពុជាសម្រាប់ អណត្តិទី៣ ។ គាត់ជាមេធាវី និងសមាជិកគណះមេធាវី នៃព្រះរាជាណាចក្រកម្ពុជា។ ដាលីយ៉ា ក៏ធ្វើការជាសាស្រ្តាចារ្យជំនួយផងដែរនៅមជ្ឈមណ្ឌលអប់រំវិជ្ជាជីវ: និងសុក្រិតការមេធាវីលើមុខវិជ្ជា សេចក្តីព្រាងក្រមរដ្ឋប្បវេណី ។ គាត់មានបទពិសោធន៍ធ្វើជាមេធាវីចំនួនបួនឆ្នាំ និងធ្វើការជាមួយអង្គការនានា ដូចជា វិទ្យាស្ថានគ្រប់គ្រងបស្ចឹម-បូព៌ា (EWMI)- នៅកម្ពុជា មជ្ឈមណ្ឌលអប់រំ វិជ្ជាជីវ: និងសុក្រិតការមេធាវីនៅការិយាល័យ ពិគ្រោះយោបល់ច្បាប់ដោយឥតគិតថៃ្ល (LCO) និងមជ្ឈមណ្ឌលអប់រំច្បាប់សម្រាប់សហគមន៍(CLEC)។ គាត់ធ្វើ ការងារ យ៉ាងសកម្ម ប៉ុនែ្តចេះបត់បែន ចេះសម្របសម្រួល និងមានកំណត់ គោលដៅ។ គាត់ទទួលបានបរិញ្ញាប័ត្រច្បាប់ពីសាកលវិទ្យាល័យភូមិន្ទ នីតិសាស្រ្ត និង វិទ្យាសាស្រ្តសេដ្ឋកិច្ច នៃព្រះរាជាណាចក្រកម្ពុជា និង បរិញ្ញាប័ត្រច្បាប់បារាំង ផែ្នកឯកជនពីសាកលវិទ្យាល័យលុយមីញ៉ែ- លីយ៉ុងពីរ (Lumiere de Lyon II) ។ ដាលីយ៉ា បានធ្វើកម្មសិក្សាជា មេធាវីនៅការិយាល័យមេធាវីបារាំងនៅ សាធារណរដ្ឋបារាំង ហើយថ្មីៗនេះ គាត់បានទទួលអាហារូបករណ៍ទៅសិក្សាពី យុត្តិធម៌អន្តរកាល និងសិទ្ធិមនុស្សនៅមជ្ឈមណ្ឌលអន្តរជាតិសម្រាប់យុត្តិធម៌ អន្តរកាល (ICTJ) នៅខេបថោន (Cape Town) នៃប្រទេសអាហ្រិ្វកខាងត្បូង។ ដាលីយ៉ា មកពីគ្រួសារសមញ្ញមួយដែលមានឪពុកម្តាយជាគ្រូបង្រៀន ហើយ គាត់មានបងប្អូនប្រុសចំនួនបួននាក់ ។

ឈ្មោះ គី ប៊ុនណាល់

មុខងារ មន្រ្តីគម្រោងប្រចាំខេត្តបាត់ដំបង

ប្រវតិ្តរូបសងេ្ខប
លោក គី ប៊ុនណាល់ បានបពា្ចប់ការសិក្សាថ្នាក់គិលានុបដ្ឋាយិករមធ្យមកាលពីឆ្នាំ១៩៩២ តាមកម្មវិធីស្តង់ដារបស់ អង្គការសហប្រជាជាតិ និងសញ្ញាបត្រកំរិតមធ្យមផ្នែករៀបចំ និងវាយតំលៃការងារបណ្តុះបណ្តាល ហើយបច្ចុប្បន្នលោកបានបញ្ចប់ថ្នាក់បរិញ្ញាបត្រជាន់ខ្ពស់ឯកទេសផ្នែករដ្ឋបាលសាធារណៈ។ បច្ចុប្បន្នលោកកំពុងបំរើការងារជាមន្ត្រីគំរោងផ្នែកទប់ស្កាត់បទល្មើសនិងរក្សាសុវត្ថិភាពសហគមន៍ ប្រចាំខេត្តបាត់ដំបង។ លោក ប៊ុនណាល់ នឹងជួយគាំទ្រដល់ខេត្តបាត់ដំបង មន្ទីនានាជុំវិញខេត្ត និងសហគមន៍ ក្នុងការធ្វើសមាហរណកម្មសកម្មភាពផ្នែកទប់ស្កាត់បទល្មើសនិងរក្សាសុវត្ថិភាពសហគមន៍អោយស្របទៅតាម គោលការណ៍ណែនាំរបស់គណៈកម្មាធិការជាតិដឹកនាំការងារកំណែទម្រង់វិមជ្ឈការ និង វិសហមជ្ឈការ។ លោក ប៊ុនណាល់បានតាំងចិត្តថានឹងធ្វើការងារជាមួយថ្នាក់ក្រោមជាតិដើម្បីធ្វើអោយបញ្ហាផ្នែកសន្តិសុខ និងយេនឌ័រ មានភាពល្អប្រសើរនៅពេលអនាគត ជាពិសេសគឺផ្តោតសំខាន់ទៅលើស្ត្រី កុមារ និងក្រុមជនងាយរងគ្រោះ។

ឈ្មោះ អ៊ុំ សុខចំរើន

មុខងារ មន្រ្តីគម្រោងប្រចាំខេត្តព្រៃវែង

ប្រវតិ្តរូបសងេ្ខប
ចំរើន បានចាប់ផ្តើមធ្វើការងារនៅផ្នែកទប់ស្កាត់បទល្មើសនិងរក្សាសុវត្ថិភាពសហគមន៍ នៅខែសីហា ឆ្នាំ២០០៨ ជាមួយគំរោងជំនួយផ្នែកព្រហ្មទណ្ឌនិងយុត្តិធម៌នៅកម្ពុជា។ ចាប់ពីឆ្នាំ ២០០០ ដល់២០០៧ ចំរើន បានធ្វើការងារជាមួយអង្គការ Lutheran World Federation ជាមន្ត្រីផ្នែកពង្រឹងអំណាចសហគមន៍ ដោយផ្តោតផ្នែកចំនួន៧ ដូចជា ការអភិវឌ្ឍន៍សហគមន៍ សិទ្ធិមនុស្សនិងការគាំទ្រមតិ សន្តិសុខស្បៀង សុខភាព អប់រំ ការបង្កើនចំណូល គ្រោះមហន្តរាយនិងការទប់ស្កាត់។ ចំរើន បានបញ្ចប់បរិញ្ញាបត្រផ្នែកភាសាបារាំង នៅសាកលវិទ្យាល័យភ្នំពេញ នៅក្នុងឆ្នាំ១៩៩៨ និងបញ្ចប់ថ្នាក់អនុបណ្ឌិតជំនាញគ្រប់គ្រងនៅសាកលវិទ្យាល័យបៀលប្រ៉ាយ នៅឆ្នាំ២០០៦។ ចំរើន មានជំនាញផ្សេងៗទៀតដូចជា ជំនាញបណ្តុះបណ្តាល ការគ្រប់គ្រងធនធានមនុស្ស សម្របសម្រួលសហគមន៍ ការអភិវឌ្ឍន៍សហគមន៍ ការគ្រប់គ្រងហិរញ្ញវត្ថុខ្នាតតូច ជំនាញរៀបចំនិងធ្វើផែនការគំរោង។

ឈ្មោះ ឡុង ស៊ីលុច

មុខងារ មន្ត្រីគំរោងប្រចាំខេត្តបន្ទាយមានជ័យ

ប្រវតិ្តរូបសងេ្ខប
អ្នកស្រី ឡុង ស៊ីលុច ជាមន្រ្តីផ្នែកទប់ស្កាត់បទល្មើស និងរក្សាសុវត្ថិភាពសហគមន៍ប្រចាំខេត្តបន្ទាយមានជ័យ បានចាប់ផ្តើមចូលបំរើការងារនេះចាប់ពីខែមេសា ឆ្នាំ២០០៩។ គាត់មានបទពិសោធន៍ជាពេទ្យឆ្មប និងបានចូលរួមបំរើការងារផ្នែកសុខភាពអស់រយៈពេល១០ឆ្នាំ ចាប់ពីឆ្នាំ១៩៨៣ រហូតដល់១៩៩២។ ជាបន្តគាត់បានចូលរួមបំរើការងារជាមួយអង្គការជាតិនិងអន្តរជាតិជាច្រើន មានតួនាទីជាមន្ត្រីជំនួយការគំរោង និងជាទីប្រឹក្សា ជាមួយអង្គការមួយចំនួន ដូចជាអង្គការCAREអន្តរជាតិ DCC, SEADO, UNDP/CARERE, PLG, PSDD អស់រយៈពេល ១៥ឆ្នាំ ដែលចាប់ផ្តើមពីឆ្នាំ ១៩៩២ ដល់ថ្ងៃទី១៧ ខែមេសា ឆ្នាំ២០០៩ ដោយផ្តោតលើការងារសំខាន់ៗ ដូចជា ការពង្រឹងសមត្ថភាពជំនាញសម្របសម្រួល អភិវឌ្ឍន៍សហគមន៍ ការរៀបចំផែនការ និងថវិកា ការគ្រប់គ្រងគំរោង ការអនុវត្តគំរោង កម្មវិធីពង្រឹងតួនាទីថ្នាក់ស្រុក ការត្រួតពិនិត្យវាយតំលៃ ជាមួយដៃគូអភិវឌ្ឍន៍ និងសមភាគីរដ្ឋាភិបាល និងសមភាគីសំខាន់ៗដែលបានចូលរួមបំរើការងារផ្ទាល់គឺ មន្ទីរជំនាញក្នុងខេត្ក ផ្នែកទាំង៤នៃ គជអខ ជាពិសេសអង្គភាព រដ្ឋបាលមូលដ្ឋាន គណៈកម្មាធិការអភិវឌ្ឍន៍ស្រុក ក្រុមប្រឹក្សាឃុំ គណៈកម្មាធិការកសាងផែនការ និងថវិកា និងគណៈកម្មាធិការទទួលបន្ទុកស្រ្តីនិងកុមារ ដោយជំរុញអោយមានការចូលរួមអនុវត្តន៍កិច្ចការ អភិវឌ្ឍន៍តាមបែបប្រជាធិបតេយ្យ ដើម្បីបង្កើនគោលយនោបាយ វិមជ្ឈការនិងវិសហមជ្ឈការ និងអភិបាលកិច្ចល្អអោយមាននិរន្តភាព។

ឈ្មោះ ស៊ុម សុខា

មុខងារ មន្ត្រីគំរោងផ្នែកទប់ស្កាត់បទល្មើសនិងរក្សាសុវត្ថិភាពសហគមន៍ (ខេត្តកំពង់ធំ)

ប្រវតិ្តរូបសងេ្ខប
លោកសុខាចាប់ផ្តើមបំរើការងារផ្នែកទប់ស្កាត់បទល្មើសនិងរក្សាសុវត្ថិភាពសហគមន៍ នៅខែមេសា២០០៩។ ចាប់ពីឆ្នាំ១៩៨២ ដល់ឆ្នាំ១៩៩២ លោកបានធ្វើការងារជាមួយអង្គការCONCERN តួនាទីជាជំនួយការផ្នែកអប់រំអនាម័យ។ ចាប់ពីឆ្នាំ១៩៩២ ដល់១៩៩៣ លោកបានបំរើការងារជាមួយអង្គការCHRISTIAN OUTREACH (COR)មានតួនាទីជាជំនួយការគ្រប់គ្រងគំរោង។ចាប់ពីឆ្នាំ១៩៩៣ ដល់១៩៩៤ លោកបំរើការងារជាមួយ United Nation World Food Program (UNWFP)មានតួនាទីជាមន្រ្តីត្រួតពិនិត្យចែកចាយស្បៀងអាហារនិងស្រាវជ្រាវ ជនភៀសខ្លួន ជនក្រីក្រ មេម៉ាយ កុមារកំព្រា ចាស់ជរា និងវិភាគទិន្នន័យ។ ចាប់ពីឆ្នាំ១៩៩៤ ដល់់២០០០ លោកធ្វើការជាមួយអង្គការ Action Nord Sud (ANS)តួនាទីជាជំនួយការគ្រប់គ្រងគំរោង ទទួលបន្ទុកការងារអភិវឌ្ឍន៍មូលដ្ឋាន។ ចាប់ពីឆ្នាំ ២០០០ ដល់២០០៩ លោកបំរើការងារជាមួយកម្មវិធីUNDPផ្តើមចេញពីគំរោងCARERE II, PLG, និងPSDD តួនាទីជាទីប្រឹក្សារដ្ឋបាលមូលដ្ឋាន ផ្តោតសំខាន់លើការពង្រឹងសមត្ថភាព កសាងផែនការនិងថវិកា ប្រឹក្សាយោបល់ សហប្រតិបត្តិការបច្ចេកទេស ត្រួតពិនិត្យនិងវាយតំលៃ។ ម្យ៉ាងទៀតលោក ទទួលខុសត្រូវលើគំរោងអន្តរឃុំ(DIP & ICCP)រយៈពេល៣ឆ្នាំ។ ជាពិសេសលោកមានបទពិសោធន៍ខាងជំនាញសម្របសម្រួល បណ្តុះបណ្តាល គ្រប់គ្រងហិរញ្ញវត្ថុខ្នាតតួច ការងារអភិវឌ្ឍន៍សហគមន៍ ជំនាញគូរផែនទី (GIS&GPS) និងជួសជុលកុំព្យូទ័រ។ លោក សុខា មានចំណង់ចំណូលចិត្តរៀនភាសានិងជំនាញផ្សេងៗ និងទំនាក់ទំនងមិត្តភាព។

ឈ្មោះ ខៀវ សុទ្ធី

មុខងារ មន្រ្តីគម្រោងប្រចាំខេត្តកំពង់ចាម

ប្រវតិ្តរូបសងេ្ខប
បន្ទាប់ពីបានបញ្ចប់ការសិក្សានៅសាកលវិទ្យាល័យភូមិន្ទកសិកម្មចំការដូងជំនាញជលផលនាឆ្នាំ១៩៩៥ គាត់បានចូលបំរើការងារជាមួយទីភ្នាក់កម្មវិធីអភិវឌ្ឍន៍អន្តរជាតិជាច្រើនដូចជា អេអាយធី ស៊ីដាអន្តរជាតិកាណាដា លូថេរ៉ានបំរើពិភពេលោក គជវវ និងអង្គការភ្លែនអន្តរជាតិ ដោយផ្អែកតាមបទពិសោធន៍នៃការគ្រប់គ្រង និងដឹកនាំផ្សេងៗនៃស្ថាប័ន។ ដើម្បីបន្ថែមលើសមត្ថភាព គាត់បានចូលរួមវគ្គបណ្តុះបណ្តាល សិក្ខាសាលា និងទស្សនៈកិច្ចសិក្សា នៅក្រៅប្រទេសជាច្រើន ក្នុងគោលបំណងពង្រឹងសមត្ថភាព និងការទទួលខុសត្រូវ។ បច្ចុប្បន្ននេះ គាត់បានចូលបំរើការងារជាមួយគម្រោងCCJAP ក្នុងតួនាទីជាមន្រ្តីគម្រោងប្រចាំខេត្តកំពង់ចាមនិងទទួលខុសត្រូវជាពិសេសលើកម្មវិធីទប់ស្កាត់បទល្មើសនិងរក្សាសុវត្ថិភាពសហគមន៍។ ចំណង់ចំណូលចិត្តគឺការដើរកំសាន្តតាមទីរមណីយដ្ឋាននានា ការលេងតន្រ្តីកំសាន្ត ការចូលរួមកំសាន្តតាមកម្មវិធីទូរទស្សន៍ កីឡា និងការអានព័ត៌មានផ្សេងៗជាដើម។

ឈ្មោះ ហួត វេងចាន់

មុខងារ មន្រ្តីគម្រោងជាន់ខ្ពស់ផ្នែកនគរបាល

ប្រវតិ្តរូបសងេ្ខប
លោក ចាន់ បានចាប់ផ្តើមបំរើការក្នុងវិស័យយុត្តិធម៌ព្រហ្មទណ្ឌចាប់ ពី ឆ្នាំ1998 ជាមួយគំរោងជំនួយផែ្នកព្រហ្មទណ្ឌ និងយុត្តិធម៌នៅកម្ពុជា ដំណាក់កាលទី1 ចាប់ពីពេលនោះមក លោក ចាន់ បាន បំពេញ តួនាទី ផ្សេងៗគ្នាក្នុងគំរោង CCJAP ទាំងនៅដំណាក់កាលទី1 និងដំណាក់ កាលទី2ដោយធ្វើការងារជាចំបងលើសកម្មភាពកំណែ ទំរង់នគរបាល ជាតិកម្ពុជា មុនមកបំរើការងារនេះ លោក ធ្លាប់បាន ធ្វើការអោយអង្គការមិនមែនរដ្ឋាភិបាលក្នុងស្រុក និងអង្គការអន្តរជាតិ មួយចំនួន ដូចជា គណៈកម្មការជំនួយសង្គ្រោះអន្តរជាតិ (IRC) គំរោងច្បាប់ស្តីពីការងារ និងការអប់រំស្ត្រី និងកុមារ របស់ធនាគារ ពិភពលោក អង្គការកម្ពុជាត្រាស្ត-ផ្តល់ជំនួយអវៈយវៈ សិប្បនិម្មិត ព្រមទាំងធ្លាប់ធ្វើជាអ្នកគ្រប់គ្រងសាលាភាសាអង់គេ្លសផងដែរ លោក ចាន់ អាចនិយាយ និងអានភាសាអង់គេ្លសបាន យ៉ាងស្ទាត់ ជំនាញ និងចេះនិយាយ និងអានភាសាថៃផងដែរ ជំនាញផ្សេងៗ ទៀត ដែលលោក ចាន់ មាន គឺ គណនេយ្យហិរញ្ញវត្ថុ គ្រប់គ្រង ពាណិជ្ជកម្មខ្នាតតូច ព្រមទាំងការកសាងនិង ធ្វើផែនការ គំរោង។

ឈ្មោះ យ៉ាន់ សុខា

មុខងារ មន្រី្តគំរោងជាន់ខ្ពស់ផែ្នកតុលាការ

ប្រវតិ្តរូបសងេ្ខប
លោក សុខា បានទទួលបរិពាា្ញប័ត្រច្បាប់ពីសកលវិទ្យាល័យន័រតុន ភ្នំពេញ កាលពីឆាំ្ន 2001 ហើយបច្ចុប្បន្ន កំពុងបន្តការសិក្សាដើម្បី ទទួលយកបរិញ្ញាប័ត្រជាន់ខ្ពស់បនែ្ថមទៀត គាត់ចាប់ផ្តើមបំពេញការ ងារតាំងពីការចាប់ផ្តើម នៃគំរោងដំណាក់កាលទី1មករហូតដល់ ដំណាក់កាលទី2 បច្ចុប្បន្ននេះគំរោង បានបន្តមកដល់ដំណាក់កាល ទី3 របស់ខ្លួន លោក សុខា បំរើការងារជាមន្រ្តីគំរោងជួយគាំទ្រដល់ ក្រសួងយុតិ្តធម៌‌ តុលាការខេត្ត-ក្រុង និង សាលាឧទ្ធរណ៍សំរាប់រយៈ ពេល 5ឆ្នាំបន្តទៅទៀត ធើ្វយ៉ាងណាដើម្បីជួយពង្រឹងការអនុវត្តន៍ ច្បាប់ និង នីតិវិធីឲ្យបានល្អបនែ្ថមទៀត គាត់មានបទពិសោធន៍ ជា ច្រើនដូចជា ការបកប្រែភាសាច្បាប់ជាលាយល័ក្ខអក្សរ និង ដោយ ផ្ទាល់មាត់ ការពិនិត្យនិងវាយតំលៃ ការរៀបចំ និងការធើ្វផែនការ គំរោង ព្រមទាំងសកម្មភាពសំរបសំរួលថា្នក់ជាតិ និងថា្នក់ខេត្ត ការងារ របស់គាត់ នៅក្នុងគំរោងពាក់ព័ន្ធនឹង ការជួយដល់ក្រសួងយុតិ្តធម៌‌ និង ក្រសួងមហាផៃ្ទ ក្នុងការព្រាងច្បាប់ សារាចរ និង សេចក្តីណែនាំ ទាក់ ទងនឹងគំនិតផ្តើមនៃកម្មវិធី លោក សុខា ក៏បានធើ្វការយ៉ាងជិតសិ្នទ្ធ ជាមួយទីប្រឹក្សាអន្តរជាតិ និងទីប្រឹក្សាជាតិ ដើម្បីបងើ្កតសៀភៅក្បួន នីតិវិធិតុលាការព្រហ្មទណ្ឌថ្មី ព្រមទាំងរៀបចំកម្មវិធីបណ្តុះបណ្តាល សិក្ខាសាលាថា្នក់ជាតិ និងថា្នក់ខេត្ត និងការងាររដ្ឋបាលផេ្សងៗ គាត់ មានទំនាក់ទំនងយ៉ាងល្អជាមួយសមភាគី និង ភា្នក់ងាររដ្ឋាភិបាល គ្រប់ជាន់ថា្នក់ទាំងអស់ គាត់យល់អំពីរបៀបទំនាក់ទំនងជាមួយភា្នក់ ងាររដ្ឋាភិបាល តាមមធ្យោបាយប្រកបដោយប្រសិទ្ធិភាព ចំណង់ ចំណូលចិត្តៈ មើលទូរទស្សន៍ និងការធើ្វដំណេរផេ្សងៗ

ឈ្មោះ ឡម គុណបុត្រ

មុខងារ មន្រ្តីគំរោងជាន់ខ្ពស់ផែ្នកគ្រប់គ្រង ពន្ធនាគារ

ប្រវតិ្តរូបសងេ្ខប
បុត្រ បានបញ្ចប់ការសិក្សានៅសាកលវិទ្យាល័យភូមិន្ទកសិកម្មចំការ ដូងរាធានីភ្នំពេញនៅឆ្នាំ១៩៩២គាត់មានបរិញ្ញាប័ត្រ ផែ្នកវិទ្យាសាស្រ្ត កេ្សត្រសាស្រ្ត ហើយធ្លាប់បំពេញការងារក្នុងរាជការជាគ្រូកសិកម្ម និង មានតួនាទីជាប្រធានផែ្នកការិយាល័យ បចេ្ចកទេស នៅសាលាបចេ្ចក ទេសកសិកម្មព្រែកលៀប។ បុត្របានចាប់ផ្តើមបំរើការងារជាមួយ គំរោង នៅដំណាក់កាលទី1 ក្នុងខែឧសភា ឆ្នាំ1998 ក្នុងតួនាទីជាអ្នក បកប្រែភាសានិង ជាអ្នកផ្តល់ប្រឹក្សាបចេ្ចកទេសកសិកម្មសំរាប់ពន្ធនា គារនៅ ក្នុងផែ្នក ការងារគ្រប់គ្រងពន្ធនាគារ ហើយគាត់ទទួលខុសត្រូវ ជួយក្នុងការអនុវត្តន៍លទ្ធផលរំពឹងទុករបស់គំរោងនៅថ្នាក់ ប្រតិបត្តិ ការ នៃពន្ធនាគារថ្នាក់ជាតិ និងខេត្ត-ក្រុង។ នៅឆ្នាំ២០០០គំរោងនៅ ដំណាក់កាលទី1បានបន្តទៅគំរោងដំណាក់កាលទី2 ហើយគាត់ត្រូវ បានដំទេ្បីងតួនាទីជាមន្រ្តីជំនួយការបចេ្ចកទេសរបស់គំរោង នៅឆ្នាំ ២០០៦ គាត់ត្រូវបានដំឡើងតួនាទីម្តងទៀត ជាមន្រ្តីគំរោងព្រមទាំង មាន ការទទួលខុសត្រូវលើការងារច្រើនថែមទៀត រួមជាមួយ ទីប្រឹក្សា បរទេសក្នុងការអនុវត្តន៍លទ្ធផលរំពឹងទុករបស់គំរោង។ នៅថ្នាក់ ប្រតិបត្តិការនៃពន្ធនាគារថ្នាក់ជាតិ និងខេត-ក្រុង ។ បុត្រ មានចំណាប់ អារម្មណ៍ក្នុងការងារជាមួយមន្រ្តីពន្ធនាគារ ដែលរស់នៅ និង ធ្វើការ ងារ រួមគ្នាក្នុងសហគមន៍តែមួយ ហើយគាត់តៀ្រមខ្លួនជានិច្ចដើម្បី បំពេញការងារក្នុងផែ្នកគ្រប់គ្រងប្រតិបត្តិការ និង ប្រព័ន្ធកសិកម្មចំរុះ ក្នុងពន្ធនាគារ បុត្រ រស់នៅជាមួយដៃគូព្រមទាំង មានកូនស្រីមួយ។ បុត្រ មានចំណង់ចំណូលចិត្តមើលពត៌‌មានតាមទូរទស្សន៍ និងធ្វើដំណើរកំសាន្ត ។

ឈ្មោះ អៀម យុទ្ធ

មុខងារ ប្រធានរដ្ឋបាល និង ហិរញ្ញវត្ថុ

ប្រវតិ្តរូបសងេ្ខប
លោកយុទ្ធ ជាបុគ្គលិកដំបូងដែល ចាប់ផ្តើមចូលបំរើការងារជាមួយ គំរោងតាំងពីដំណាក់កាលទី1 ឆ្នាំ១៩៩៧។ លោក ជាប្រធាន រដ្ឋបាល និងហិរញ្ញវត្ថុមានរយៈពេល10ឆ្នាំហើយមកដល់បច្ចុប្បន្ននេះ។ ក្នុង នាម ជាប្រធានផែ្នករដ្ឋបាល និងហិរញ្ញវត្ថុ លោកបាន ទទួលខុសត្រូវ និង ចាត់ចែងការិយាល័យកណ្តាល និង ការិយាល័យ ផេ្សងៗទៀត របស់ គំរោង យុទ្ធ សប្បាយរីករាយ ក្នុងការធើ្វ ការងារ ជាមួយគំរោង នឹង ដើម្បីជួយអោយគំរោងមានការរីកចំរើនដល់ កិច្ចប្រតិបតិ្តការ និង ការ គ្រប់គ្រង សំរាប់៥ឆ្នាំតទៅមុខ ទៀត យុទ្ធ តាំងចិត្តយ៉ាងមុតមាំ ដើម្បីគំរោងដំណើរការទៅមុខដោយរលូននិង សហប្រតិបតិ្តការល្អ ចំណង់ចំណូលចិត្តរបស់ យុទ្ធគឺទស្សនា ប្រាសាទបុរាណកនែ្លង ទេសចរណ៍ផេ្សងៗដូចជា ឆេ្នរសមុទ្រ ទឹកធ្លាក់ធម្មជាតិ និង ការ ទេសចរក្រៅប្រទេស ។

ឈ្មោះ ចាន់ វឌ្ឍនា

មុខងារ ប្រធានមូលនិធិបត់បែន

ប្រវតិ្តរូបសងេ្ខប
លោកចាន់ វឌ្ឍនា ជាអ្នកទទួលខុសត្រូវផែ្នកគ្រប់គ្រងមូលនិធិគាំទ្រ ដែលត្រូវសហការជាមួយប្រធានគំរោង ទីប្រឺក្សាជាតិនឹង អន្តរជាតិ ការងាររបស់លោកគឺធ្វើយ៉ាងណាដើម្ឃីអោយរាល់ការប្រើប្រាស់មូល និធិគាំទ្រមានភាពត្រឺមត្រូវដែលគាំទ្រដល់ភាពជាដៃគូរវាងរដ្ឋាភិបាល អូស្រ្តាលីនិងរាជរដ្ឋាភិបាលកម្ពុជាក្នុងសេចក្តីសំរេចចិត្តដែលពាក់ព័ន្ធ នឹងការបែងចែកធនធាន នៅមុន ពេលទទួលខុសត្រូវនៅផែ្នកនេះ លោកចាន់ វឌ្ឍនាធ្លាប់បានធ្វើជាអ្នកសំរបសំរួលគំរោង ទបសស នៅខេត្តកណ្តាលរបស់គំរោង ក្នុងដំណាក់កាលទី2 ដែលគំរោងនេះ បានធើ្វគំរោងសាកល្បងមួយនៅខេត្តកណ្តាលដើម្បី ជួយបង្កើតគណៈកម្មាធិការ ទបសស និងបណ្តាញអង្គការ,ស្ថាប័ន រដ្ឋដើម្បីគាំទ្រគណៈកម្មធិការនោះ លោកចាន់ វឌ្ឍនាក៍បានគ្រប់គ្រង មូលនិធិបំរុងផ្គល់បចេ្ចកទេសគាំទ្រផ្តល់ការអភិវឌ្ឍន៍សហគមន៍ពង្រឺង សម្ថត្តភាពនឹងផ្តល់ការបណ្កុះបណ្កាលនៅនឹងកនែ្លងដល់គណៈ កម្មាធិការទបសសថ្នាក់ខេត្តនឹងស្រុកដើម្បីអនុវត្តន៍នូវគំរោងសាក ល្បងនេះ មុនពេលចូលរួមជាមួយគំរោងនេះលោកចាន់វឌ្ឍនា បានបំរើការជា សាស្រ្តាចារ្យ នៅវិទ្យាស្ថានសេដ្ឋកិច្ចអស់រយៈពេល7ឆ្នាំ

ឈ្មោះ សៅសមស័ក្តិ

មុខងារ មន្ត្រីគម្រោងផ្នែកទំនាក់ទំនង

ប្រវតិ្តរូបសងេ្ខប
ស័ក្តិគឺជាមន្ត្រីគំរោងផ្នែកទំនាក់ទំនង របស់គំរោងជំនួយផ្នែក ព្រហ្មទណ្ឌនិងយុត្តិធម៌នៅកម្ពុជា សំរាប់ដំណាក់កាលទី៣ ហើយបានចាប់ផើ្តមការងារក្នុងតួនាទីនេះនៅខែកញ្ញា ឆ្នាំ២០០៧។ នាងមានបទពិសោធការងារជាមួយស្ថាប័នឯកជន អង្គការអន្តរជាតិ អង្គការមិមែនរដ្ឋាភិបាលក្នុងស្រុក (ធនាគារ, ក្រុមហ៊ុនអាកាស ចរណ៏, ភ្នាក់ងារផ្សព្វផ្សាយពាណិជ្ជកម្ម, គំរោងអភិវឌ្ឍន៍ឃុំសង្កាត់ដែលឧបត្ថមហិរញ្ញវត្ថុដោយធនាគារ អភិវឌ្ឍន៍អាស៊ី, និងមណ្ឌលព័ត៌ស្ត្រីកម្ពុជា)។ ស័ក្តិទទួលបានសញ្ញាប័ត្របរិញ្ញាបត្រ័រដ្ឋបាលពាណិជ្ជកម្ម ជំនាញ គណនេយ្យហិរញ្ញវត្ថុ នៅខែសីហា ឆ្នាំ២០០៧។ ក្នុងតួនាទីជា មន្ត្រីផ្នែកទំនាក់ទំនង នាងនឹងធ្វើការជាមួយ ប្រធានគ្រគ្រងគំរោង ដើម្បីរៀបចំយុទ្ធសាស្ត្រទំនាក់ទំនងរបស់គំរោង រៀបចំការប្រជុំ និង អភិវឌ្ឍន៍ទំនាក់ទំនងជាមួយអ្នកពាក់ព័ន្ធ ដៃគូអភិវឌ្ឍន៍ និងអង្គការ មិនមែនរដ្ឋាភិបាលដែលមានសកម្មភាពទាក់ទងជាមួយគំរោង។ នាងពេញចិត្តចូលរួមក្នុងការអភិវឌ្ឍន៍យុទ្ធសាស្ត្រទំនាក់ទំនង អោយកាន់តែប្រសើរ។ ចំណង់ចំណូលចិត្តរបស់នាងគឺ ហែលទឹក និង ការដើរកំសាន្តនៅបរទេស។

ឈ្មោះ វុធ រតនៈ

មុខងារ អ្នកបកប្រែ

ប្រវតិ្តរូបសងេ្ខប
វុធ រតនៈ ចូលក្នុងគម្រោង CCJAP III នៅថ្ងៃទី០១ ខែ មករា ឆ្នាំ ២០១០ ក្នុងតួនាទីជាអ្នកបកប្រែ។ រតនៈ មានតួនាទីបកប្រែរបាយការណ៍ កិច្ចសន្យា អត្ថបទ សំបុត្រ និងឯកសារផ្សេងៗទៀតពីភាសាខ្មែរ ទៅភាសាអង់គ្លេស និងពីភាសាអង់គ្លេសមកភាសាខ្មែរ។ តួនាទីផ្សេងទៀតរួមមាន បកប្រែក្នុងពេលប្រជុំ សិក្ខាសាលា និងបេសកកម្មតាមខេត្ត។ គាត់ទទួលបាន បរិញ្ញាបត្រផ្នែកអប់រំពីវិទ្យាស្ថានភាសាបរទេសនៅក្នុងឆ្នាំ២០០៩។ រតនៈ ធ្លាប់ធ្វើជាគ្រូបង្រៀនភាសាអង់គ្លេសអស់រយៈពេលជាង២ឆ្នាំមកហើយ។ ជាងនេះទៅទៀត គាត់ក៏មានបទពិសោធន៍ការងារជាប្រធានផ្នែកភាសាអង់គ្លេសផងដែរនៅវិទ្យាស្ថានអនាគតយុវជនកម្ពុជា។ គាត់មានឆន្ទៈយ៉ាងមុតមាំនិងស្មារតីការងារជាក្រុម ក្នុងការងាររបស់គាត់ ហើយគាត់បានសាងចំណងទាក់ទងការងារយ៉ាងល្អជាមួយនិងមិត្តរួមការងាររបស់គាត់។ គាត់ធ្លាប់ស្ម័គ្រចិត្តបង្រៀនសិស្សអនុវិទ្យាល័យ នៅតាមបណ្តាខេត្តមួយចំនួន ដែលជាកម្មវិធីមួយមានឈ្មោះថា កម្មវិធីអប់ច្បាប់សហគមន៍។ រតនៈ ទទួលបានវិញ្ញាបនបត្រកោតសរសើរអំពីស្នាដៃសិក្សារបស់គាត់ក្នុងចំណាត់ថ្នាក់លេខ ៥ នៅក្នុងឆ្នាំសិក្សាទី៣របស់គាត់ ហើយនៅថ្ងៃទី ២៨ និងទី ២៩ ខែ កុម្ភៈ ឆ្នាំ២០០៨ គាត់ទទួលបានជ័យលាភីលេខពីរ ក្នុងកម្មវិធីប្រកួតប្រជែងពិគ្រោះយោបល់កូនក្តីលើកដំបូងនៅកម្ពុជា។ ក្នុងពេលបច្ចុប្បន្ននេះ គាត់កំពុងតែសិក្សានៅសាកលវិទ្យាល័យបញ្ញាសាស្រ្តកម្ពុជា នៅក្នុងឆ្នាំទី៤ផ្នែកច្បាប់។

ឈ្មោះ យូ វាសនា

មុខងារ មន្រ្តីគំរោងផ្នែកគាំទ្រនិងផ្គត់ផ្គង់

ប្រវតិ្តរូបសងេ្ខប
វាសនា ចាប់ផ្តើមបំរើការងារក្នុងគម្រោងCCJAP III កាលពីខែកញ្ញា ឆ្នា២០០៧ដោយមានតួនាទីជាជំនួយការប្រធានរដ្ឋបាលនិងហិរញ្ញវត្ថុ។ ក្នុងតួនាទីនេះ វាសនាមិនត្រឹមតែជួយការងារប្រធានរដ្ឋបាលនិងហិរញ្ញវត្ថុតែប៉ុណ្ណោះទេ គឺផ្តល់ជំនួយការដល់ក្រុមការងារនៅក្នុងគម្រោងនៅពេលដែលចាំបាច់។ វាសនាមានការតាំងចិត្តក្នុងការបង្កើតចំណងមិត្តភាពល្អជាមួយក្រុមការងារ។ វាសនាចូលចិត្តស្តាប់បទចំរៀងបរទេស។

ឈ្មោះ ធីម អូស្សនណឺស៊ី

មុខងារ ទីប្រឹក្សារយៈពេលខ្លីផ្នែកត្រួតពិនិត្យនិងវាយតំលៃ

ប្រវតិ្តរូបសងេ្ខប
បណ្ឌិត ធីម អូស្សនណឺស៊ី មានបទពិសោធន៍ការងារជាង៣០ឆ្នាំក្នុងការរៀបចំកម្មវិធី ត្រួតពិនិត្យនិងវាយតំលៃកម្មវិធីអភិវឌ្ឍន៍សង្គមនៅក្នុងប្រទេសអូស្ត្រាលី និងនៅបរទេស។ ធីម បានធ្វើការវាយតំលៃគំរោងជំនួយបរទេស នៅក្នុងវិស័យជាច្រើនដូចជា វិស័យច្បាប់និងយុត្តិធម៌ រដ្ឋបាលសាធារណៈ វិស័យសុខាភិបាលនិងជំងឺអេដស៍ អប់រំវិជ្ជាជីវៈនិងបណ្តុះបណ្តាល ការអភិវឌ្ឍន៍សហគ្រាសខ្នាតតូច សន្តិសុខស្បៀង និងសេវាកម្មកុមារ។ ធីម បានធ្វើការនៅក្នុងប្រទេសជាង២០ នៅក្នុងតំបន់អាស៊ី ប៉ាស៊ីហ្វីក និងអាហ្រិច។ ក្នុងរយៈពេល៦ឆ្នាំកន្លងមក ធីមបានផ្តល់សេវា វាយតំលៃជាបន្តបន្ទាប់ ដល់គំរោងដែលផ្តល់មូលនិធិដោយ AusAID សំរាប់ប្រទេសជាច្រើននៅតំបន់អាស៊ីប៉ាស៊ីហ្វិក រួមមានប្រទេសកម្ពុជា ប៉ាពួញូហ្គីនា ចិន ហ្វីជី វ៉ាញូអេទូ គីរីបាទី ឥណ្ឌូនេស៊ី និង ទីម័រខាងកើត។ ធីម គឺជានាយកក្រុមហ៊ុនផ្តល់ប្រឹក្សាដែលជាក្រុមហ៊ុនរបស់គាត់ផ្ទាល់ ហើយគាត់រស់នៅក្នុងប្រទេស ហ្វីជី។ ការងាររបស់គាត់ក្នុងគំរោងCCJAP គឺរៀបចំបង្កើតនិងអនុវត្តក្របខ័ណ្ឌយុទ្ធសាស្ត្រត្រួតពិនិត្យនិងវាយតំលៃ។