|
គម្រោងCCJAP បានចុះហត្ថលេខាលើអនុសារណៈនៃកិច្ចព្រមព្រៀងជាមួយ វិទ្យាស្ថានដាណឺម៉ាកសំរាប់សិទ្ធិមនុស្ស (DIHR) ស្តីពីប្រព័ន្ធត្រួតពិនិត្យនិងសូចនករ កាលពីថ្ងៃទី២៩ ខែកុម្ភះ ឆ្នាំ២០០៨ នៅការិយាល័យរបស់គម្រោងCCJAP។ ក្នុងនាមអោយអង្គភាពគ្រប់គ្រងគម្រោង និង DANIDA គម្រោងបានធ្វើកិច្ចព្រមព្រៀងជាមួយ DIHR ដើម្បីជួយរដ្ឋាភិបាលកម្ពុជាក្នុង ការអនុវត្តយុទ្ធសាស្ត្រកំណែទម្រង់ច្បាប់និងប្រព័ន្ធយុត្តិធម៌ តាមរយៈការ គាំទ្រការបង្កើតជាប្រព័ន្ធត្រួតពិនិត្យនិងសូចនករ។
គម្រោង នេះទទួលការឧបត្ថមមូលនិធិរួមគ្នាពី DANIDA និង AusAID តាមរយៈCCJAP III និងដោយផ្អែកតាមកិច្ច សហប្រតិបត្តិការយូរអង្វែងជាមួយអង្គភាពសម្របសម្រួលអចិន្ត្រៃយ៍/ អង្គភាពគ្រប់គ្រងគម្រោង (PCB/PMU) និង តួនាទីក្នុងការអភិវឌ្ឍន៍គម្រោងរួមគ្នា។ ខាងDIHR ត្រូវបានស្នើអោយផ្តល់ជាជំនួយការ បច្ចេកទេសនិងប្រឹក្សាយោបល់ ដល់គម្រោង។
ក្រុមប្រឹក្សាកំណែទម្រង់ច្បាប់និងប្រព័ន្ធ យុត្តិធម៌បានផ្តល់ជាអនុសាសន៍អោយបង្កើតជាប្រព័ន្ធត្រួតពិនិត្យនិង សូចនករ រវាង រដ្ឋាភិបាលកម្ពុជានិងដៃគូអភិវឌ្ឍន៍ ដោយមានការពិគ្រោះយោបល់ជាមួយសង្គមស៊ីវិល។ ដំណើរការនេះ នឹងធានាអោយអ្នក ពាក់ព័ន្ធទាំងអស់មានក្របខណ្ឌ័យោងដូចៗគ្នានៅពេលធ្វើការវាស់វែង ដំណើរការ និងប្រសិទ្ធិភាព (និងលទ្ធផលចុងក្រោយ) នៃដំណើរការកំណែទម្រង់ច្បាប់និងប្រព័ន្ធយុត្តិធម៌ - អ្នកពាក់ព័ន្ធទាំងអស់នឹងមានភាសា រួមមួយ - ធានាការបូកសរុបលទ្ធផលនិងនិរន្តរភាពរបស់ប្រព័ន្ធត្រួតពិនិត្យនិង សូចនករ។
ការបង្កើតប្រព័ន្ធត្រួតពិនិត្យនិងសូចនករ សំរាប់កំណែទម្រង់ច្បាប់ និងប្រព័ន្ធយុត្តិធម៌នឹង គាំទ្រដំណើរការ កំណែទម្រង់ ជាទូទៅតាមវិធីសាស្ត្រមួយចំនួន៖
- ប្រព័ន្ធ ត្រួតពិនិត្យនិងសូចនករ នឹងដើរតួនាទីជាឧបករណ៍គ្រប់គ្រង មួយសំរាប់អ្នកពាក់ព័ន្ធក្នុងដំណើរការ កំណែទម្រង់ ហើយស្ថាប័នយុត្តិធម៌និងអ្នកពាក់ព័ន្ធអាចកត់ត្រា រាល់ដំណើរការកំណែទម្រង់ច្បាប់និង ប្រព័ន្ធយុត្តិធម៌ ជាបន្តបន្ទាប់និងជាលក្ខណៈប្រព័ន្ធ ព្រមទាំងអាចកំណត់នូវ ភាពរាំងស្ទះនានា ហើយរៀបចំ កែសម្រួលផែនការនិងសកម្មភាព
- ប្រព័ន្ធ ត្រួតពិនិត្យនិងសូចនករ នឹងពង្រឹងសមត្ថភាពស្ថាប័នយុត្តិធម៌ដើម្បីធ្វើការបញ្ចាក់បន្ថែមនិង បង្ហាញពី តម្រូវការនានា និងផ្តល់សេវាដល់ប្រជាពលរដ្ឋទៅតាមទិសដៅរបស់គម្រោង
- ប្រព័ន្ធត្រួតពិនិត្យនិងសូចនករអាចជាយន្តការគណនេយ្យភាពមួយចំពោះសង្គមកម្ពុជា និងចំពោះ សហគមន៍អន្តរជាតិ
|
