|
ក្រុមប្រឹក្សាភិបាល
ជាតិគ្រប់គ្រងគម្រោងជំនួយផែ្នកព្រហ្មទណ្ឌនិងយុត្តិធម៌នៅកម្ពុជា បានរៀបចំកិច្ចប្រជុំលើកទី២របស់ខ្លួននៅសាល
ប្រជុំនៃទីស្តីការក្រសួងមហាផៃ្ទ វេលាម៉ោង៨ព្រឹកថៃ្ងទី១៦ ខែមករា ឆ្នាំ២០០៨
ក្រោមអធិបតីភាពរបស់ឯកឧត្តម ព្រុំ សុខា រដ្ឋលេខាធិការក្រសួងមហាផ្ទៃដោយមានការចូលរួមពីសមាជិកប្រតិបត្តិនិង
សមាជិកក្រុមពិគ្រោះយោបល់នៃក្រុមប្រឹក្សាភិបាលជាតិគ្រប់គ្រងគម្រោង ព្រមទាំងតំណាងពីទីភ្នាក់ងារអូស្ត្រាលីដើម្បីអភិវឌ្ឍន៍អន្តរជាតិ
(AusAID)។
អង្គប្រជុំបានធ្វើការពិនិត្យ ពិភាក្សាលើរបាយការណ៍ស្តីពីការវិវត្តន៍របស់គម្រោងក្នុងរយៈ៦ខែ
កន្លងមកនេះ និងពិភាក្សាអនុម័តផ្តល់មូលនិធិបត់បែនសំរាប់សកម្មភាពជាអាទិភាព
ហើយរបាយការណ៍របស់ក្រុមទីប្រឹក្សាពិគ្រោះយោបល់ផ្នែកយុត្តិធម៌ ព្រហ្មទណ្ឌ
(CCJAG) កាលពីខែវិច្ឆិកា ឆ្នាំ២០០៧ ស្តីពីការវាយតំលៃគម្រោង ក៏ត្រូវបានលើកយកមកពិភាក្សានៅក្នុងអង្គប្រជុំនេះផងដែរ។
បញ្ហាសំខាន់ដែលលើកយកមកពិភាក្សា គឺការកំណត់ទីតាំងភូមិសាស្ត្រសំរាប់ពង្រីកសកម្មភាពរបស់គម្រោង
CCJAP។ ការពង្រីកសកម្មភាពនេះនឹងបង្ហាញពីការរីកចំរើននៃយុទ្ធសាស្ត្រ កំណែទម្រង់ច្បាប់និងប្រព័ន្ធយុត្តិធម៌
របស់រាជរដ្ឋាភិបាលកម្ពុជា ដែលគាំទ្រដោយគម្រោងCCJAP។
ក្នុងពេលទន្ទឹមគ្នានេះ ខាងAusAIDបានធ្វើការណែនាំកុងស៊ុលថ្មីគឺលោក
Lachlan Pontifex ក្នុងឱកាសដែលលេខាទី២ គឺកញ្ញា Kathryn Elliot ត្រូវបញ្ចប់បេសកកម្មការងារបន្ទាប់ពីបានបំពេញការងាររយៈ៣ឆ្នាំនៅ
ក្នុងប្រទេសកម្ពុជា។
|
